ბავშვისთვის მოედანი არის სივრცე, სადაც ის სწავლობს ურთიერთობას, გადაწყვეტილებების მიღებას, პასუხისმგებლობას, გამარჯვებისა და მარცხის მიღებას, საკუთარი გრძნობების მართვას და სხვების პატივისცემას.
სწორედ ამიტომ ჩვენთვის ვარჯიშის მიზანი მხოლოდ საფეხბურთო უნარების განვითარება არ არის.
გვინდა, ფეხბურთის საშუალებით ბავშვებმა და ახალგაზრდებმა განივითარონ და განიმტკიცონ თავდაჯერება, დისციპლინა, დამოუკიდებლობა, თავისუფალი აზროვნება, პასუხისმგებლობა, გუნდურობა და საკუთარი შესაძლებლობების რწმენა — მომავალზე ორიენტირებული ხედვით.
მოედანზე მიღებული გამოცდილება ხშირად ცხოვრებაშიც გადადის.
ამიტომ გვინდა, ფეხბურთი იქცეს არა მხოლოდ სპორტულ საქმიანობად, არამედ განვითარების გზად — გზად, რომელიც ადამიანს ეხმარება საკუთარი თავის უკეთ შეცნობაში, არჩევანის გაკეთებაში და საკუთარ მომავალზე პასუხისმგებლობის აღებაში.
ჩვენ ვასწავლით ფეხბურთს, მაგრამ ფეხბურთის საშუალებით ვეხმარებით ადამიანის განვითარებას.
